هلا والله، انا سمر مؤسسة " يلا كروشيه " !
بقولكم قصتي،
يوم كنت حامل في بنتي تالا، و هي اول بنت لي، كنت انتظرها بفارغ الصبر طول فترة الحمل، ومع تجهيزات المواليد، كنت افكر في هديتها الاولى! قررت اهديها دمية ارحب فيها بطريقتي الخاصة، بحثت وبحثت وبحثت لكن مافيه فايده مالقيت ذيك الهدية الحلوة الي ابيها لبنتي.
خاب ظني بس ماستسلمت! فقررت اصمم هديتها بنفسي، ومن هنا بديت استخدم مهاراتي في الكروشيه عشان اسويلها دميتها بيدي، بديت من تصميم الباترون، واختيار الوان الدمية والحجم المناسب الى الشكل النهائى، يعني من الاخر صنعت بحب من جد.
وقتها وصلتني الكثير من الاستفسارات والطلبات بخصوص دمية الكروشيه! كيف سويتيها؟ سهله ولا صعبه؟ من وين الاقي الادوات؟ عطينا دورة نتعلم منك... و الخ.
قلت تدرون، خلني اشاركها مع الجميع، و من هنا قررت ابدا المشروع بحيث الكل يستفيد
منها المبتدئين ، والي يحتاجون الادوات، واللي يبون يكسبون مهارة جديدة
ترى فيه ناس كثير تحب الاعمال اليدوية لانها تصنع بكل حب.
وناس. تحب تهدي هدية مميزة ماحد فكر فيها من قبل.
وناس تعشق تعلم هوايات ومهارات جديدة.
وناس تحب تنعزل بنفسها عشان تسترخي وتروق وتجدد طاقتها.
الحل عندي،
سويت لكم" يلا كروشيه "
عشان تساعد الجميع في صنع الدمى، وتكون لكم ذكريات جميلة بعد.
